22nd Sep 2017

Prosiect Gweithdy Bychan ar gyfer Cyflawni Hyfforddiant Cynhwysiant Anabledd (Mini-DIT) ar gyfer Ynys Môn

 

Prif nod y prosiect oedd cynnig gweithdy bychan ar Hyfforddiant Cynhwysiant Anabledd i ysgolion cynradd ar Ynys Môn. Mae Mini-DIT yn raglen ddysgu gynhwysol ar gyfer disgyblion ysgol cynradd sydd wedi ei bwriadu ar gyfer disgyblion Cyfnod Allweddol 2. Cafodd ei chreu gan Chwaraeon Anabledd Cymru er mwyn codi ymwybyddiaeth ynghylch chwaraeon anabledd ac i ddangos sut y gellir cynnwys ffrindiau anabl mewn gweithgareddau yn ystod a’r tu allan i oriau ysgol. Roedd y prosiect hwn yn targedu disgyblion blwyddyn 5 ar draws y 5 dalgylch yn Ynys Môn.

 

Mae’r hyfforddiant yn cynnwys sesiwn ar y canfyddiad o bobl anabl mewn chwaraeon, y derminoleg sy’n gywir ac yn briodol a’r addasiadau y gellir eu gwneud er mwyn gwella cynhwysiant. Mae Mini-DIT yn cysylltu i mewn i raglen Llythrennedd Corfforol Chwaraeon Cymru sy’n dweud y dylai pawb fod â chatalog o sgiliau, ynghyd â hyder a chymhelliant pan ddaw i gymryd rhan mewn chwaraeon a gweithgareddau corfforol. Mae’r hyfforddiant yn anelu at gefnogi cynhwysiant drwy gyflawni’r canlyniadau isod:

 

1.            Dysgu mwy am yr hyn y gall plant, pobl ifanc ac oedolion anable ei wneud

 

2.           Dysgu sut i gynnwys eich ffrindiau yn eich holl weithgareddau Addysg Gorfforol a chwarae.

 

Llysgenhadon Ifanc o Brifysgol y Met yng Nghaerdydd ac Ysgol Gyfun Llangefni hwylusodd y sesiwn hyfforddiant mewn 16 o ysgolion cynradd ar draws Ynys Môn gyda 417 o ddisgyblion cyfnod allweddol 2 wedi mynychu.

 

 

 

“Rhyfeddol! Fe wnaethom ddysgu y gall pawb gymryd rhan a bod modd newid a chwarae gemau er mwyn sicrhau y gall pawb ymuno!”

    Disgybl blwyddyn 5, Ysgol Y Graig, Llangefni                            

 

 


 

Roedd y profiad yn un gwerth chweil, yn codi dealltwriaeth ac ymwybyddiaeth y disgyblion o wahanol gyflyrau. Roedd y tiwtoriaid yn wybodus iawn ac yn rhoi gwybodaeth ardderchog a pherthnasol a oedd yn cael ei chyflwyno mewn modd a oedd yn briodol i oedran y disgyblion. Rhoes y sesiwn ddealltwriaeth i’r disgyblion o’r modd y gallant gynnwys eu cymheiriaid a hynny drwy gyfrwng gweithgareddau hwyliog a difyr. Rydym eisoes wedi gweld enghreifftiau o ddisgyblion yn defnyddio rhai o’r syniadau i gynnwys eraill yn ystod sesiynau amser egwyl ac amser cinio. Byddai’n wych petai’r hyfforddiant hwn yn cael ei ymestyn i’r holl ysgolion oherwydd mae’n rhoi cyfleon buddiol i ddisgyblion!”

 

Mr Owain Williams, Athro Blwyddyn 5, Ysgol Y Graig, Llangefni

 

 


Back

Mwy na gem, trawsnewid bywyd

Mwy na gem, trawsnewid bywyd

Twitter

RT An early start this morning for day 3 of @dsw_news filming @lens_monkey and another undisclosed location 🤫 🎥 https://t.co/gbjjeeWhql


RT Great weekend swimming at Manchester for the national para championships. Some really swims, lots of medals and gre… https://t.co/pfHrdhtaCA


Rydym yn chwilio am Cadeirydd i'r Bwrdd, gallwch chi cyfrannu tuag at ein uchelgais? Cliciwch y linc yma am sut i… https://t.co/6TH1MzEn6F


We're looking to appoint a new Chair to the Board. If you think you can contribute, click below to apply. Deadlin… https://t.co/LUg25YbEDv


Cofrestru i dderbyn cylchlythyr