News

Gwynedd

Marcus PolitisGwynedd

Fy enw i yw Marcus Politis a hoffwn eich croesawu i dudalennau Gwynedd ar wefan Chwaraeon Anabledd Cymru.

Mae gan Wynedd amrediad eang o ddarpariaeth chwaraeon ar gyfer pobl anabl o bob oed, gan gynnwys boccia, pêl-droed, pêl-fasged cadair olwyn, trampolinio, athletau, beicio tandem, nofio, marchogaeth, saethu paralympaidd, saethu VI, gweithgareddau awyr agored, saethyddiaeth a Ffitrwydd Cynhwysol yn ein Cyfleusterau Hamdden.

Rydym yn ffodus iawn o gael yr Ystafell Ffitrwydd yng Nghanolfan Tenis Arfon. Dyma un o’r campfeydd mwyaf cynhwysol trwy Gymru gyfan, ac fe’i hagorwyd yn swyddogol gan y Pencampwr Paralympaidd Matt Skelhon ym mis Mehefin 2011.  Ystyrir mai’r prosiect Herio Eich Ffiniau, a leolir yng Nghoed-y-Brenin, yw’r prosiect beicio mynydd mwyaf cynhwysol yn y Deyrnas Unedig, ac mae Clwb Targed Aer Gwynedd wedi’i gefnogi a’i hyrwyddo’n ffurfiol gan Matt Skelhon a James Bevis fel cyfleuster saethu o’r radd flaenaf . Mae’r Clwb Pêl-fasged Cadair Olwyn yn agored i bobl anabl a chanddynt nam corfforol ac i bobl nad ydynt yn anabl, ac eisoes mae ganddo 30 o aelodau yn mwynhau’r gamp wych hon.

Pa un a ydych yn chwilio am ffordd iach o fyw, cyfle i gymdeithasu a gwneud ffrindiau newydd neu i gadw’n heini, neu’n anelu at allu cymryd rhan yn y dyfodol yn y Gemau Paralympaidd neu’r Gemau Olympaidd arbennig, fe ddylai fod rhywbeth ar eich cyfer chi.

Os ydych yn hyfforddwr neu’n wirfoddolwr, cofiwch hefyd am y cwrs UK Disability Inclusion Training (UK DIT), sy’n galluogi darparwyr hamdden a hyfforddwyr i feithrin ymwybyddiaeth a hyder i gynnig darpariaeth gynhwysol. Mae’r cyrsiau’n cael eu cynnal nifer o weithiau mewn blwyddyn, felly cysylltwch â mi i gael gwybod pryd mae’r nesaf.

Er mwyn helpu clybiau i sicrhau arfer dda a chynnig sesiynau o ansawdd, mae Chwaraeon Anabledd Cymru wedi cyflwyno ‘insport’ sydd ar gael i Glybiau, Cyrff Llywodraethu Cenedlaethol (NGB’s) ac Awdurdodau Lleol. Gwobr achrediad pedair haen ydyw (rhuban, efydd, arian, aur). Chwiliwch am logo insport wrth y clybiau.

Os hoffech gael rhagor o wybodaeth am chwaraeon anabledd yng Ngwynedd fel rhywun sydd am gymryd rhan, fel clwb, fel hyfforddwr, neu fel gwirfoddolwr, mae croeso ichi fy ffonio neu anfon e-bost ataf. (Mae’r manylion cyswllt ar waelod ochr chwith y dudalen hon).

Mae’r wefan hon yn cael ei diweddaru’n aml gyda newyddion, digwyddiadau, a chyrsiau, felly cofiwch gymryd golwg arni’n rheolaidd.


Get in Touch

Enw: Marcus Politis

Phone: 01758 704109

Mobile: 07766 505320

E-bost: MarcusPolitis@gwynedd.gov.uk

Cyfeiriad

DSW Development Officer
Gwynedd Council
Dwyfor Offices
Embankment Road
Pwllheli
Gwynedd
LL53 5AA


Swyddogion Datblygu

Swyddogion Datblygu

Chwaraeon Anabledd Cymru

Twitter

RT The Welsh Special Needs & Adaptive Squad Training takes place Saturday 27th April! Judo is an inclusive & accessibl… https://t.co/XfVl1mytqM


RT Looking forward to defending my British title @ParkPembrey in July. Thanks to @WelshCycling @AledJones06 for making… https://t.co/YYR1owPXVy


RT @welshramdcfc @Ljonescycling @ParkPembrey @WelshCycling @AledJones06 @sportcarms @dsw_news @JAVELINSTEPHENShttps://t.co/kGX9B3HCrE


RT "Massively excited – will be great to compete in an able bodied tournament & I'm looking forward to playing & compe… https://t.co/Q9zXCDkJJG


Cofrestru i dderbyn cylchlythyr